Por íz, testigos xtuny Jehová biquiindo, bisaʼdo né bikiʼsdo xidal clas Biblia. Conforma godudy íz biduidydo cuent que raquiin ñony traducirdo toib Biblia ni más nayaa par labúu ñen buñ xí láani ngú «ni merpa galnann», ni Dios rioladx gann guirá buñgudxlio (1 Timoteo 2:3, 4). Por ngú íz 1950 gosaló goleʼdo tipnés libros de la Biblia ló diitz inglés, biquiindo diitz ni raniʼ buñ ló xtzúno. Biblia reʼ laani Traducción del Nuevo Mundo, cuáni xomodpa sieed ló guiich ni cuá dada nírcu, né noʼni ló más de tigayoʼ treint diitz.

Biquiin ñaʼ toib Biblia ni naguel ñen buñ. Conforma radudy íz diitz ni raniʼ buñ racopyni, né xidal textos napni diitz gool ni ma diti raniʼ buñ né naganni. Láaca bidzel guiich ni cuá dada nírcu ni caa más nayaa ni racné buñ guieen diitz hebreo, arameo né griego.

Biquiin ñaʼ toib Biblia xomodpa goní Dios. Tidxo buñ ni buny traducir la Biblia nigolú nanoy bicaʼyibu xpensary Dios diti cuenunysi bicaʼyibu, né bicaʼyibu láani xomodpa sieed ló guiich ni cuá ma xidzú íz. Xidal biblias diti sitnéni laa Dios, Jehová.

Biquiin ñaʼ toib Biblia ni ñonyxiroʼ ni Bisaʼ láani (2 Samuel 23:2). Xomod rabino tiplaʼ guiich ni noʼ lainy guet reʼ, laa Jehová bicaʼyibu láani gahxca gatzmil buelt ló Traducción del Nuevo Mundo xomod sieed ló guiich ni cuá ma xidzú íz (Salmo 83:18). Biblia reʼ nacní dxiin nadip ni buny traduciryibu nayadit por íz, rioladx buñ goʼol láani portín sitnéni xpensary Dios nayadit. Ná pal looy naplo o diti naplo Biblia reʼ ló xtiitzlo, rony animardo looy gonylo por goʼol lo guirá dzú Xtiitz Dios (Josué 1:8; Salmo 1:2, 3).

• ¿Xigony biduidydo cuent que raquiin ñaʼ stoib Biblia?

• ¿Xí ni non gony guirá dzú toib ni nainy gann xí ni ná Dios?