LECCIÓN 01
¿Nhak gaklhen Biblia lhe?
Yugechho chhaklhallechho nezechho bixchen mbanchho, bixchen lli yelezi nha yelegut, nha bi gake de ze za. Lekseka lliaxjechho nhu gaklhen chhio lhen da zed de shtilchho yuge lla, ka den gunchho gan mechw par gak zichho yuge de lliaxjechho nha nhak zuchho mbalhaz lhen familh chechho. Zan bene ba bzakbede deke Biblia chhullin yuge deki nha lekseka shnhan bi chheyale gunchho par gak wen lhau yelemban chechho. ¿Chhekdo lhe dek waklhen Biblia chhio?
1. ¿Ka bi da chhullin lhau Biblia?
Biblia chhullin ka den shnabde nhi: ¿nhak bxhe yelemban?, ¿par bixhen mbanchho?, ¿bixchen bene wen shdie yelezi?, ¿bi chhak che tu bene kate ba gute?, ¿bixchen chhitek udile shi yuge benen chhende nhite wen? nha ¿bixhe gak che Yellʼlhiu nhi? Lhau Biblia wak yelleldo nhak chhullin yuge deki, bene zan ba bzunhe ki nha zite wen sjanhite por den bezenezde.
2. ¿Nhak chhaklhen Biblia chhio par zi banhezchho yelemban chechho yuge lla?
De zan de wen de dsejnhi Biblia chhio. Shluen nhak zuchho mbalhaz lhen familh chechho. Lekseka shnhan nhak gunchho par bit gakshejlhallechho nha zi banhezchho llin chechho. Shlakte sda dzedo den za nhi, lhe nezdo bi shlueide Biblia che deki nha che zan tema yoble. Nha lhekse nezdo deke «duxen Xtille Dios dan nyojen zakeshwan» (2 Timoteo 3:16).
Publicación nhi bit chheshan Biblia. Gaklhenhen lhe ga shejnhidon wen, por len shnhato lhe ulhabo yuge textos che Biblia den zak tu tu lección nha uzakelhebedo texto ki lhen ka dan sda shnhezdo.
UZEDCHHO WEN TEMA NHI
Wiachho nhak ba guklhen Biblia bene yoble, nha bi wake gunchho par zichhon banhez kate shlabchhon nha bixchen nheken wen deke tu bene gaklhenhe chhio par yeyajnhichhon wen.
3. Biblia shgun chhio nhez
Biblia nheken ka tu yiʼ de dzenhishwa nha shgun benhiʼ lhau xnhezchho. Nha gaklhenhen chhio par yechhugdechho gunchho de wen, lekseka shnhan bi de gake de ze za.
Le ulhab Salmo 119:105 nha le ushalj che denhi:
-
¿Bi xbab chhun benen bsoj salmo nhi che Biblia?
-
¿Bi xbab chhunho lhe che Biblia?
4. Biblia chhecheben den shnabde kuinchho
Tu nhulhe gukbede deke Biblia chhullin yuge den bnabde kuinhe por zan iz. Le wia VIDEO nha le ushalj che denhi:
-
¿Bi de shnabde kuin nhulhen wiachho le video?
-
¿Nhak guklhenhen leʼ den bzede Biblia?
Biblia shguyelen chhio ga nabchho den zelhallechho nezdechho. Le ulhab Mateo 7:7 nha le ushalj che denhi:
-
¿Chhekdo dek Biblia wake yullin ka den shnabde kuinho? ¿Ka nhuxlen?
5. Wake zi banhezchho ulhabchho Biblia
Zan bene chhezebeide chhezelhabe den za le Biblia nha zite chhezezi banhezen. Le wia VIDEO nha le ushalj che denhi:
-
¿Bi xbab dzun bale biwego den yezelhabʼba?
-
Lakse bit chhezeibeiba yezelhabʼba ¿bixchen dzulhalleba yezelhabʼba Biblia?
Den shluei Biblia chheyuexhenhen chhio nha chhunen tu de nheke de wen de shbezchho. Le ulhab Romanos 15:4 nha le ushalj che denhi:
-
¿Chhaklhallo nezdo nhak chheyuexhen Biblia chhio, nha bi de wen de shbezchho gake de ze za?
6. Wake shejnhidechho den za le Biblia shi gaklhen tu bene yoble chhio
Lakse zan bene chhezelhabe Biblia tuwalhaze, zanhe ba guklhenhen den chhezezede lhen tu bene yoble. Le ulhab Hechos 8:26-31 nha le ushalj che denhi:
-
¿Bi lliaxjechho par shejnhichho den za le Biblia? (Le wia versículos 30 nha 31).
Tu bene Etiopía biaxhjenhe nhu gaklhen leʼ par shejnhide Biblia. Nella, lekseka zan bene chhezezie banhez shi nhu gaklhen le par yezezede Biblia.
DE CHHEZENHA BALE BENE: «Bit bi zaken ulhabchho Biblia».
-
¿Bi shnhau lhe? ¿Bixchen?
DE LLIALHAU
Biblia chhaklhenhen chhio par gake wen lhau yelemban chechho, lekseka chhecheben da shnabde kuinchho, chheyuexhenhen chhio nha chhunen tu de wen de shbezchho.
De bzedchho
-
¿Bi de gaklhen chhio za le Biblia?
-
¿Ka bi de shnabde kuinchho chhechebe Biblia?
-
Nha lhe, ¿ka bi de chhaklhallo yelleldo le Biblia?
GA NEZELLDO CHE DENHI
Nhi nezdo bixchen den shnha Biblia chhaklhenhen chhio nella.
«Yelesin den za le Biblia nhaken par tushize» (La Atalaya, núm. 1 2018)
Wia nhak Biblia guklhenhen tu bene byio desd ke nheke bidaw.
Wia den shnha Biblia par gak zuchho mbalhaz lhen familh chechho.
«12 de gaklhenhen chhio par zuchho mbalhaz lhen familh chechho» (¡Despertad!, núm. 2 2018)
Wia nhak Biblia chhezulin xbab den sjanhape bene che nhuxen shnebia lhau yellʼlhiu nhi.
